HR hub–ის ორგანიზებით, 9 ივლისს, 17:00 – 19:00 სთ-ებში სასტუმრო Courtyard Tbilisi (თავისუფლების მოედანი 4), დასაქმების მასშტაბური ფესტივალი გაიმართება, სადაც წარმოდგენილი იქნება დამსაქმებლის ბრენდები და აქტიური ვაკანსიები.
ღონისძიების მიზანია სამსახურის მაძიებლების დაკავშირება დამსაქმებლებთან და დასაქმების ხელშეწყობა. ფესტივალზე წარმოდგენილი იქნება 20-ზე მეტი კომპანია აქტიური ვაკანსიებით.
კანდიდატებთან შეხვედრის დროს, კომპანიის წარმომადგენლები ისაუბრებენ თუ რა შეთავაზებები და ვაკანსიები აქვთ, რა არის მათი კომპანიის, როგორც დამსაქმებლის კონკურენტული უპირატესობა, როგორ სამუშაო გარემოს და კარიერული განვითარების შესაძლებლობებს სთავაზობენ დასაქმების მსურველებს.
ადგილზე დაგხვდებათ რეკრუტინგის და კარიერული განვითარების ექსპერტი საერთაშორისო გამოცდილებით, რომელიც მოგცემთ კარიერულ რჩევებს, რაც დაგეხმარებათ წარმატებით გაიაროთ გასაუბრება.
ღონისძიებაზე დასწრება თავისუფალია და შეუძლია ყველა დაინტერესებულ ადამიანს.
დასაქმების ფესტივალის მხარდამჭერები არიან: Geosoft, Digital studio Invitee – ციფრული მოსაწვევების პრემიუმ ვებგამოცდილება და საერთო სამუშაო სივრცე NETWORK.