სახელმწიფო უსაფრთხოებისა და კრიზისების მართვის საბჭო განცხადებას ავრცელებს. ძლიერი წვიმის და სეტყვის შედეგად, დედაქალაქის რამდენიმე უბანი დაიტბორა. საავტომობილო მოძრაობა გართულდა ისანი-სამგორის, ძველი თბილისის და დიდუბე-ჩუღურეთის რაიონებში. გზები ასევე დაიტბორა, კოლმეურნეობის მოედნისა და იუსტიციის სახლის მიმდებარე ტერიტორიებზე.
მობილიზებულია ყველა შესაბამისი სამსახური. სახელმწიფო უსაფრთხოებისა და კრიზისების მართვის საბჭოს კრიზისული სიტუაციების მართვის ეროვნული ცენტრი აქტიურ რეჟიმში მუშაობს. ცენტრის თანამშრომლები კავშირზე არიან სხვადასხვა უწყების წარმომადგენლებთან და მონიტორინგს აწარმოებენ. ამ დროისთვის სიტუაცია კონტროლს ექვემდებარება.
კომენტარები