მთავარმა პროკურატურამ თავდაცვის სამინისტროსგან საიდუმლო ინფორმაციის გაცემის საკითხთან დაკავშირებული მასალები უკვე მიიღო.
როგორც უწყებაში განაცხადეს, ამ ეტაპზე მასალების შესწავლა მიმდინარეობს.
აღნიშნულ ფაქტზე თავდაცვის სამინისტროს გენერალური ინსპექცია სამსახურებრივ შემოწმებას აწარმოებდა.
„ვინაიდან პროკურატურა არცერთ სამსახურებრივ შემოწმებას არ ზედამხედველობს, შესაბამისად, არ გვქონდა ინფორმაცია. მედიით ინფორმაციის გავრცელების შემდეგ, პროკურატურა დაინტერესდა საკითხით და გამოითხოვა თავდაცვის სამინისტროს ხელთ არსებული მასალები. ამ ეტაპზე მიმდინარეობს მასალების შესწავლა და მიღებული გადაწყვეტილების შესახებ ეცნობება საზოგადოებას“,- განმარტავენ პროკურატურაში.
კომენტარები