ლაგოდეხში დაღუპული გოგონას საქმეზე წუხელვე გამოიკითხნენ პედაგოგები და რამდენიმე მოსწავლე. „პრაიმტაიმის“ ინფორმაციით, თვითმხილველებმა გამოძიებას ჩვენებაში უთხრეს, რომ ჩანჩქერზე გოგონამ სპონტანურად მიიღო გადაწყვეტილება და უცბად გადახტა ჩანჩქერში საბანაოდ, რის შემდეგაც ის წყალმა წაიღო.
გამოძიება მუშაობს ორი მიმართულებით:
1. გამოკვეთოს, საჭირო იყო თუ არა ჯგუფისათვის ჩანჩქერისკენ გადაადგილების აკრძალვა, თუ საფრთხე იქ რეალური იყო;
2. ჰქონდა თუ არა ადგილი დაუდევრობას პასუხისმგებელი პირების, ანუ პედაგოგების მხრიდან. შეეძლოთ თუ არა მათ, შეეჩერებინათ გოგონა.
3. გამოძიება მუშაობს უბედური შემთხვევის ვერსიაზეც.
26 მაისს, 17 წლის გოგო, რომელიც ექსკურსიაზე იყო, ნინოსხევში მდინარის დინებამ გაიტაცა. მოზარდს დაახლოებით 14 საათი ეძებდნენ.
ძებნის ოპერაციაში დღეს დილიდან მყვინთავები ჩაერთნენ და გოგონას ცხედარი იპოვნეს.
შინაგან საქმეთა სამინისტრომ მომხდარზე გამოძიება საქართველოს სსკ-ს 115-ე მუხლით დაიწყო, რაც თვითმკვლელობამდე მიყვანას გულისხმობს.
2017 წლიდან დღემდე, სასკოლო ექსკურსიებზე 6 ადამიანი დაიღუპა. მათ შორის მოსწავლეები, მასწავლებლები და მშობლები. ტრაგიკული ისტორიების უმეტესობა ავტოსაგზაო ავარიებს, ნაწილი კი სხვა სახის ინციდენტებს უკავშირდება.