ზესტაფონში „საქართველოს რკინიგზის“ დასავლეთის სალიანდაგო სამმართველოს საწყობში უბედური შემთხვევის დროს დაშავებული ერთ-ერთი რკინიგზელი საავადმყოფოში გარდაიცვალა. ამის შესახებ ინფორმაცია სს „საქართველოს რკინიგზაში“ „ინტერპრესნიუსს“ დაუდასტურეს.
მათივე ცნობით, რკინიგზის წარმომადგენლობა თანამშრომლობს გამოძიებასთან და პრესსამსახურის თქმით, გამოძიების შედეგად დადგინდება შემთხვევის გამომწვები მიზეზები.
რაც შეეხება მეორე დაშავებულ რკინიგზელის ჯანმრთელობის მდგომარეობას,“ საქართველოს რკინიგზის“ პრესსამსახური ვერ აკონკრეტებს ამაზე ინფორმაციას.
შეგახსენებთ, ზესტაფონში, სს „საქართველოს რკინიგზის“ დასავლეთის სალიანდაგო სამმართველოს საწყობში მომხდარი უბედური შემთხვევის შედეგად 2 თანამშრომელი დაშავდა. მათგან ერთ-ერთი მუშა საავადმყოფოში გარდაიცვალა. შემთხვევა საწყობში მოხდა, სადაც სავარაუდოდ, რკინიგზელებს რელსები დაეცათ.
„საქართველოს რკინიგზა“, რკინიგზელის გარდაცვალების გამო მწუხარებას გამოთქვამს.