გირგვლიანის საქმეზე რაღა ადეიშვილს მიახტით? ცოტა სხვაგან ხო არ იწყება ეგ ამბავი, შემთხვევით? – ამის შესახებ ტელეკომპანია „რუსთავი 2″-ის გენერალური დირექტორი ნიკა გვარამია სოციალურ ქსელში წერს.
„ფეისბუქის” პირად გვერდზე გამოქვეყნებული პოსტით ნიკა გვარამია „ევროპული საქართველოს” წევრს, ელენე ხოშტარიას მიმართავს.
„შალვა შავგულიძის ფანი არ ვარ, ნათელია ალბათ, მაგრამ მათიკაშვილის და ზარდიაშვილის მხრიდან მის გინებაზე გული მერევა. ერთადერთი, მეგობრებო „ევროპული საქართველოდან”, რეჟიმის წინააღმდეგ იბრძოდა შავგულიძე, ეს რა ვორდინგია? ვინ იყო, უკაცრავად, რეჟიმი, ამ ქვეყნის საუკეთესო მთავრობა მთელი მისი ისტორიის მანძილზე?! შეცდომების დამშვების, კი ბატონო, მაგრამ საქართველოს ისტორიაში საუკეთესო საჯარო მოხელის, ზურა ადეიშვილის ნეგატიურ კონტექსტში ხსენება, ასევე ძალიან სამარცხვინო მგონია. მანდვე გიზით ადეიშვილისავე ყოფილი მოადგილე ოთარ კახიძე და მას ჰკითხეთ, თუ არ გსმენიათ. ან გირგვლიანის საქმეზე რაღა ადეიშვილს მიახტით? ცოტა სხვაგან ხო არ იწყება ეგ ამბავი, შემთხვევით? არ ღირს არც მთაწმინდის და არც სხვა რომელიმე არჩევნები ისტორიის უსამართლო რევიზიად, ტეხავს და ქოცობაა“, – წერს ნიკა გვარამია „ფეისბუქზე”.