ფოკის მამათა მონასტერში წმინდა ნინოს საქართველოში შემობრძანების დღეს აღნიშნავენ. წმინდა ნინოს გზას წელს განსაკუთრებით ბევრი მომლოცველი გაივლის. მსვლელობაში მონაწილეობას ყველა ეპარქიის მრველი და სასულიერო პირები მიიღებენ.
ფოკაში იმყოფება საქართველოს პრეზიდენტი სალომე ზურაბიშვილი, რომელიც წმინდა ნინოს გზით მსვლელობას შეუერთდება. წირვას ესწრება საქართველოს პრემიერმინისტრი.
დილიდან ფარავნის ტბასთან სადღესასწაულო ლიტურგია მიმდინარეობს. საზეიმო წირვას რამდენიმე ეპარქიის მეუფე სამღვდელოებასთან ერთად აღავლენს.
სინოდის გადაწყვეტილებით წელს მრევლი საიუბილეო თარიღს, წმინდა ნინოს შემოსვლიდან 1700 წლის იუბილეს აღნიშნავს. მსვლელობა ფარავნის ტბიდან წირვის დასრულების შემდეგ დაიწყება.
წმინდა ნინოს მსვლელობა წელს ოცდამეათედ გაიმართება და 13 ივლისს სვეტიცხოვლობის დღესასწაულზე მცხეთაში დასრულდება, სადაც მონაწილეებს პატრიარქი დალოცავს და სიგელებს გადასცემს.
იმედინიუსი
