ავჭალა-გლდანის მაჟორიტარი დეპუტატი კობა კობალაძე, თბილისის 209-ე საჯარო სკოლის უფროსკლასელების მიწვევით დაესწრო მოსწავლეების მიერ მომზადებულ ღონისძიებას, სადაც ახალგაზრდებმა წარმოადგინეს საკუთარი ნააზრევი სხვადასხვა ავტორის შემოქმედების შესახებ.
„23 აპრილს, წიგნისა და საავტორო უფლებების დაცვის საერთაშორისო დღეს, 209-ე საჯარო სკოლის მოსწავლეებს ვუმასპინძლე და საჩუქრად წიგნები გადავეცი. ახალგაზრდები დამპირდნენ, რომ მათი წაკითხვის შემდგომ შთაბეჭდილებებს გამიზიარებდნენ. დღეს შედგა ეს შეხვედრა და მინდა მადლიერება გამოვხატო სკოლის დირექციის მიმართ.
ჩვენი გუნდისთვის პრიორიტეტულია სათანადო განათლების მიცემა მომავალი თაობებისთვის. განათლებული თაობის გარეშე შეუძლებელია ყოველგვარი წინსვლა და განვითარება. ჩვენი ქვეყნის მომავალი სწორედ ასეთი ნიჭიერი და ერუდირებული ახალგაზრდებისაა,“ – განაცხადა დეპუტატმა.
კობა კობალაძე 209-ე სკოლის მოსწავლეებს დაჰპირდა, რომ სადეპუტატო ბიუროს მხარდაჭერით, სკოლის მოსწავლეები რაბათის ისტორიულ ციხეში გაემგზავრებიან.