უმრავლესობის ლიდერი არჩილ თალაკვაძე „ჩაინა ლილო სითის“ დირექტორის ზვიად ქირიას განცხადებას, რომ ბაზრობაზე ხანძარი შესაძლოა, განზრახ გააჩინეს, სტრესს უკავშირებს.
ამასთან, თალაკვაძე მიიჩნევს, რომ აუცილებელია ამ საკითხის შესწავლა.
„ბუნებრივია, როდესაც ხანძარი ხდება, მესაკუთრეებისთვის ეს სტრესია. არ გამოვრიცხავ, რომ მისი განცხადებების ტონალობა იყოს სტრესით განპირობებული. თუმცა, რაც ამ ადამიანმა ისაუბრა, ჩემი აზრით შეუსწავლელი არ უნდა დარჩეს. კანონმდებლობა ზუსტად ითვალისწინებს, რა ხდება ასეთ შემთხვევაში, როდესაც ამ ტიპის საჯარო განცხადებები კეთდება“, – განაცხადა არჩილ თალაკვაძემ.
ლილოს დასახლებაში, ე.წ. ჩინური ქალაქის ტერიტორიაზე ხანძარი გუშინ გვიან ღამით გაჩნდა და მისი ლიკვიდაცია გამთენიისას მოხდა.
კომენტარები