ქართული ოცნების პარტიის პოლიტიკური მდივანი ირაკლი ღარიბაშვილი ტვ პირველის გადაცემა „რეაქციაში“ აცხადებს, რომ პარლამენტის ეზოში რუსი დეპუტატის შესვლა არის აბსოლუტურად გაუმართლებელი.
„პარლამენტის ეზოში რუსი დეპუტატის შესვლა ეს არის აბსოლუტურად გაუმართლებელი, ჩვენ ამ შეცდომას მყისიერად ვუპასუხეთ. ამის შემდეგ 7 საათამდე ჩვენ ყველაფერი გავანეიტრალეთ და რუსი დეპუტატიც გავისტუმრეთ, თუმცა ნაციონალურმა მოძრაობამ გაბედა და დაგეგმა ძალიან საშიში ამბავი და მათ მოინდომეს პარლამენტის აღება. ბატონმა მელიამ მოინდომა კიტოვანობა და თავი წარმოგვიჩინა განმათავისუფლებლად. სახელმწუფო არ და ვერ დაუშვებდა ამ პრეცედენტს. ეს არის საშიში გამოვლინება, რომელზეც სახელმწიფოს ჰქონდა მკაცრი რეაგირება. ყველა ის პირი, ვინც ამ ძალიან საშიშ პროვოკაციაში მონაწილეობდა სახელმწიფოს წინააღმდეგ უნდა იყოს უმკაცრესად დასჯილი. მეტსაც გეტყვით, მე მომხრე ვიყავი და ვარ, რომ იმ ღამესვე მომხდარიყო ყველას დაკავება, ვინც ამ ბინძურ პროვოკაციაში მონაწილეობდა, მათ შორის იმ 200 თუ 300 აგრესიული ადამიანის“, – აცხადებს ირაკლი ღარიბაშვილი.