სერგეი გავრილოვი ამბობს, რომ საქართველოში ჩამოსვლას ისევ აპირებს, ამჯერად, პირადი გეგმებით – ამის შესახებ Interfax წერს.
აღნიშნულ ინფორმაციას საქართველოს შინაგან საქმეთა მინისტრი გიორგი გახარია გამოეხმაურა, რომელმაც განაცხადა, რომ რუსეთის დუმის დეპუტატ სერგეი გავრილოვს საქართველოში არ შემოუშვებს.
“არ შემოვუშვებ, არ შემოვუშვებ”, – განაცხადა გიორგი გახარიამ დასმული კითხვის საპასუხოდ.
„გავრილოვი ახლა მე საერთოდ არ მაინტერესებს. მოდით გადავდოთ, საერთოდ არ გიპასუხებთ ამ შეკითხვაზე,“ – მიმართა გახარიამ ჟურნალისტს.
ცნობისთვის, გავრილოვი ჟურნალისტებთან საუბარში ამბობს, რომ მზად არის, “თუნდაც ხვალვე“ კვლავ ჩამოვიდეს თბილისში.
“მე ძალიან მინდა, მაქვს პირადი გეგმები. ჩვენ ვგეგმავდით შემოდგომაზე ბავშვებთან ერთად ჩასვლას და პილიგრიმობას, როდესაც სიცხეები გადაივლის. მინდა, ჩემმა შვილებმა იცოდნენ ამ ქვეყნის შესახებ იმიტომ, რომ ისეთი ადგილი, როგორც საქართველოა, სხვა ჩვენ არ გვაქვს“,- ამბობს გავრილოვი.
გარდა ამისა, მან განაცხადა, რომ თბილისში ჩამოსვლაზე რუსეთის პატრიარქ კირილისგან კურთხევა მიიღო.