ნიკორწმინდის ტაძარში საზეიმო ლიტურგია საქართველოს კათოლიკოს-პატრიარქმა, უწმინდესმა და უნეტარესმა ილია მეორემ აღავლინა.
პატრიარქმა ქართველ ერს წმინდა ტაძრის 1000 წლისთავი მიულოცა.
”რამდენი ლოცვა აღევლინა აქ წმინდა ნიკორწმინდაში, რამდენი სისხლი დაღვრილა, რამდენი ცრემლი დაღვრილა. და აი დღეს, ჩვენ ვზეიმობთ ტაძრის 1000 წლისთავს. ნიკორწმინდა არის მაგალითი მთელი საქართველოსთვის”, – ბრძანა ილია მეორემ.
ნიკორწმინდის შემდეგ, პატრიარქმა ამბროლაურში ივერიის ყოვლადწმინდა ღვთისმშობლის სახელობის ტაძარი აკურთხა.
”ჩვენ ვმადლობთ უფალს, რომ ღირსი გაგვხადა კიდევ ერთი ტაძრის აშენების. მე მინდა შევთხოვო უფალს, რომ უფალმა ძალი ერსა თვისსა მოსცეს, უფალმა აკურთხოს ერი თვისი მშვიდობით”, -აღნიშნა ილია მეორემ.
კომენტარები