4 ივლისს, 19.00-ზე, კლუბ-რესტორანში „ნატვრის ხე“ ( ბამბის რიგი 7, შესასვლელი სანაპიროდან) ვირტუოზი გიტარისტი, მომღერალი და კომპოზიტორი თემურ ყვითელაშვილი შინაურულ გარემოში განსხვავებულ ამპლუაში წარსდგება.
4 ივლისს,“ ნატვრის ხე“-ში თემურ ყვითელაშვილის დაბადების დღეს და აშშ-ს დამოუკიდებლობის დღეს ერთად აღვნიშნავთ.
ასევე გელით სიურპრიზი: წმინდა მიწიდან ჩამოტანილი ძაფების შებმა შესასვლელთან დარგულ ნატვრის ხესთან.
თემურ ყვითელაშვილი-მსოფლიოს ერთ-ერთი საუკეთესო გიტარისტია. მისი რეპერტუარი გამოირჩევა კლასიკური და თანამედროვე მუსიკალური ნაწარმოებების დიდი მრავალფეროვნებით, სირთულითა და ვირტუოზული დაკვრის მანერით. მას სოლო კონცერტები აქვს გამართული ყველა დიდი ქვეყნის ცნობილ საკონცერტო დარბაზებში, ისეთებში როგორიცაა „Carnegie Hall”, “Birdland”, „Iridium”(ნიუ-იორკი, აშშ)“, „La Ve Lee”, “The Baked Potato”(ლოს-ანჟელესი), „Дом Музыки”( მოსკოვი, რუსეთი) და სხვა. მუსიკოსი სხვადასხვა დროს იყო და არის მსოფლიო წამყვანი ბრენდების სახე, სხვადასხვა კონცერტებზე სპეციალური სტუმრის სტატუსით გამოდიოდა ლეგენდარულ მუსიკოსებთან და გიტარისტებთან ერთად. ის მონაწილეობს მსოფლიოს სხვადასხვა ცნობილ გამოფენებში, ატარებს მასტერკლასებს, ლექციებს, თუმცა სამშობლოს არასდროს ივიწყებს, ყოველწლიურად ატარებს კონცერტებს ფილარმონიის დიდ დარბაზში და ასევე საქართველოს სხვადასხვა ქალაქებში, თანამშრომლობს ცნობილ ქართველ მუსიკოსებთან და შემსრულებლებთან. თემურ ყვითელაშვილი დაჯილდოებულია ღირსების ორდენით(1998), არის თბილისისა და ახალციხის საპატიო მოქალაქე, მრავალი მსოფლიო კონკურსის ლაურეატი და გინესის რეკორდის მფლობელი-გიტარაზე შეუსვენებლივ დაკვრაში.
საღამოს თვითონ თემურ ყვითელაშვილი წარუძღვება, შესრულდება რამდენიმე ნაწარმოები მისი ახალი და ძველი ალბომებიდან.
საკონტაქტო ტელ.: +995 591 00 00 33