“შეცდომაა იმის მტკიცება, რომ ივანიშვილი უძლეველია, რომ აი, სტრასბურგის სასამართლო მოისყიდა, რომ ევროპელი მოსამართლეები რუსეთის აგენტები არიან და ა.შ. ეს ასე არ არის”, – ამის შესახებ “ევროპული საქართველოს” წევრი ოთარ კახიძე “ფეისბუქის” პირად გვერდზე წერს.
“სტრასბურგის სასამართლოს გადაწყვეტილებამ გვაჩვენა, რომ:
1. არასწორი იყო მოსამართლეებზე თავდასხმა არაკორექტული ფორმით და არხის გამოყენება ცალკეული მოსამართლეების პროვოცირებისთვის და მათ შესავიწროებლად;
2. საქმის წარმოების პროცესში დაშვებული იყო გარკვეული შეცდომები, რომელიც გამოიყენა მოწინააღმდეგემ.
ივანიშვილთან დაპირისპირებაში ყველაზე მეტად გვჭირდება სწორი სტრატეგია, თანმიმდევრულობა, არაისტერიულობა, იმგვარად პოზიციონირება, რომ ნეიტრალური პირი ჩვენ სასიკეთოდ განეწყოს და არა პირიქით.
ივანიშვილი უძლეველი არ არის. თუ ჭკვიანურად ვიმოქმედებთ, ეს გადაწყვეტილება შესაძლოა მისთვის პიროსის გამარჯვების ტოლფასი აღმოჩნდეს”, – დაწერა კახიძემ სოციალურ ქსელში, როგორც ჩანს ტელეკომპანია “რუსთავი 2″ -ის ჯერ კიდევ მოქმედ გენერალურ დირექტორს, კახიძეს აღნიშნული პოზიციას არ მოეწონა და მას პოსტის კომენტარებში უზენზუროდ მიმართა:
” ოთო, ძალიან უკიდეგანო ყ*ე ხარ. უიმედო სრულიად”, – ამ სიტყვებით მიმართა გვარამიამ კახიძემ, რაზეც ადრესატმა მიუგო: – “აი, ამაზე რა უნდა გიპასუხო ახლა არ წავშლი ამ კომენტარს, იყოს”
“ევროპული საქართველოს” წარმომადგენლის პოსტი საკმაოდ რეზონანსული აღმოჩნდა, გთავაზობთ „რუსთავი 2“-ის იურისტ, თამთა მურადაშვილისა და ჟურნალისტ თამარ ჩერგოლეიშვილის დისკუსიას, რომელიც ამავე პოსტის კომენტარებში წარიმართა. კამათის მიზეზი ამავე თემაზე კიდევ ერთი “ფეისბუქ” პოსტი გახდა, რომელიც , “ფონდ ღია საზოგადოება – საქართველოს” ადამიანის უფლებათა პროგრამის მენეჯერმა გიორგი ჩიტიძემ გამოაქვეყნა:
“და კიდევ ერთი, სტრასბურგის სასამართლო, უპირველესად, არის მართლმსაჯულების ორგანო, რომელიც ყოველთვის და ყველა საქმეზე ეროვნულ კონტექსტს, პოლიტიკურ ვითარებას და საკითხის მნიშვნელობას იმდენ წონას არ მიანიჭებს, რამდენიც ჩვენ გვსურს. ჩვენ გარდა, 46 წევრი სახელმწიფოა და ასიათასობით საქმე.
ამიტომ, როდესაც ერთ გადაწყვეტილებაში, დასაშვებობის 3 სხვადასხვა კრიტერიუმს გამოიყენებს სარჩელის 70%-ის არმისაღებად, მიგითითებს რომ, ბევრი შეცდომა დაუშვი შიდა სამართალწარმოებაში, მინიმუმ, უნდა დაფიქრდე, რატომ მოხდა ასე.
ასევე, როდესაც სტრასბურგის სასამართლოს ოფიციალურ პრეს-რელიზში დაგიწერენ, რომ რ2, მისი იურისტები და, განსაკუთრებით, გენ.დირექტორი ცდილობდა სასამართლოს პარალიზებას, მოსამართლეთა მიმართ დაუსაბუთებელი აცილებების დაყენებით თუ მათი საჯარო შეურაცხყოფით, ამაზეც წინასწარ ფიქრი ურიგო არ იქნებოდა.
ყველა ანდრაშ შაიო ვერ იქნება.
ყველა იდეალისტი ვერ იქნება.
იურისტები ღმერთები არ არიან, არც თბილისში, არც სტრასბურგში და არც იოჰანესბურგში.
მეტი აკადემიური რეფლექსია ჩვენთვისვეა საჭირო, ვიდრე სასამართლოს ბნელ დერეფნებში რუსეთის აგენტების ძებნა, განსაკუთრებით მაშინ, როდესაც ისინი იქ არ არიან” , – დაწერა ჩიტიძემ სოციალურ ქსელში.
აღნიშნულთან დაკავშირებით ჟურნალისტმა ანი კიკნაძემ “ფეისბუქის” პირად გვერდზე შემდეგი სახის პოტი გამოაქვეყნა:
“ახლა რა ხდება… ოთარ (მეგობრებისთვის ოთო) კახიძემ, სტრასბურგის სასამართლო რომ ბიძინამ მოისყიდა შეცდომაა მაგის მტკიცებაო, ნიკამ (გვარამია) რაც უპასუხა კი ხედავთ… მაგ პოსტის ქვეშ, “რუსთავი 2” – ის ადვოკატის და თამარ (მეგობრებისთვის თამარა) ჩერგოლეიშვილის სისხლისმღვრელი ომია გამოცხადებული. არადა არ მეცინება. კონცერტია… “ევრონაცები” “ნაცებს” ემიჯნებიანსავით და “ოცნებასთან” ტუსტუსებენ… მიყვარან რაღაცნაირად… ეს რა უნიჭობაა”, – წერს ანი კიკნაძე სოციალურ ქსელში.