„აუცილებლად გამოვიყვანთ ციხიდან“, – ამის შესახებ გაერთიანებული ოპოზიციის „ძალა ერთობაშიას” ერთ-ერთმა ლიდერმა, გრიგოლ ვაშაძემ ოქრუაშვილის დაკავებასთან დაკავშირებით განაცხადა.
ასევე, ვაშაძის თქმით, ოქრუაშვილს არავითარი ძალადობა დაუგეგმავს, არავითარი კონსულტაციები სახელმწიფო გადატრიალების მიზნით არ დაუგეგმავს და მონაწილეობა მასში არ მიუღია, არავითარი ჯგუფი არ შეუქმნია, რომლის მიზანიც ხელისუფლების ძალადობრივი გზით შეცვლა იყო.
„სულ უფრო და უფრო მატულობს პოლიტპატიმრების რიცხვი და ერთ-ერთი მათგანი გუშინ გახდა „გამარჯვებული საქართველოს“ ლიდერი, ოპოზიციის ერთ-ერთი ლიდერი – ირაკლი ოქრუაშვილი. 20 ივნისს, საღამოს 19:00 საათიდან დილის 06:30 საათამდე ვიყავი რუსთაველის პროსპექტზე და სრული პასუხისმგებლობით შემიძლია ვთქვა, რომ არავითარი ძალადობა არ დაუგეგმავს, არავითარი კონსულტაციები სახელმწიფო გადატრიალების მიზნით არ დაუგეგმავს და მონაწილეობა მასში არ მიუღია, არავითარი ჯგუფი არ შეუქმნია, რომლის მიზანიც ხელისუფლების ძალადობრივი გზით შეცვლა იყო. იცავდა რუსთაველის პროსპექტზე კონსტიტუციურ უფლებებს მოქალაქეების და ჩვენი სახელმწიფოს ღირსებას. აუცილებლად გამოვიყვანთ ციხიდან და არ მივცემთ საშუალებას ხელისუფლებას დაატეროროს ოპოზიცია და ასე სათითაოდ ამოაძროს ოპოზიციიდან ის ხმები, რომლიც ჩვენი სახელმწიფოს ნორმალური განვითარების გზას იცავენ“, – განაცხადა ვაშაძემ.
გრიგოლ ვაშაძე: ოქრუაშვილს ციხიდან აუცილებლად გამოვიყვანთ
2019/07/26 14:10:12
კომენტარები
ნანახია: 661 ჯერ