„თავისი სახლი იყო და უნდოდა დაშლიდა უნდოდა არ დაშლიდა, ინფორმაცია სხვანაირად გავიდა,“ – გორში ქართული ოცნების მაჟორიტარი დეპუტატი იოსებ მაკრახიძე გუგუტიანთკარში მიმდინარე მოვლენებს ასე ეხმაურება.
გორის მუნიციპალიტეტის სოფელ გუგუტიანთკარში ოკუპანტებმა მავთულხლართებისა და ძელების მონტაჟი აგვისტოს ომიდან მე-11 წლისთავზე, 7 აგვისტოს დაიწყეს და რამდენიმე დღეში შეწყვიტეს. 15 აგვისტოს კი მავთულხლართების მონტაჟი გაგრძელდა.
საოკუპაციო ძალებმა საოკუპაციო ხაზი გადმოწიეს, რის შედეგადაც, ორი ოჯახის – რაზმაძეებისა და გუგუტიშვილების სახლები ოკუპირებულ ტერიტორიაზე მოხვდა. ომის დროს დაზიანებული სახლებიდან ნივთების გასატანად საოკუპაციო ძალების წარმომადგენლებმა ოჯახებს 3-დღიანი ვადა მისცეს. რის შემდეგაც გიორგი რაზმაძემ საკუთარი სახლში დაშალა.
www.tabula.ge
კომენტარები