ადვოკატი დავით ჯაფარიძე სოციალურ ქსელში პოსტს აქვეყნებს და პრეზიდენტის მიერ შეწყალებული რამაზ დევაძის შესახებ წერს.
“პრეზიდენტის მიერ მსოფლიოს ჩემპიონის რამაზ დევაძის შეწყალებას, ჟურნალისტების მხრიდან დიდი დაინტერესება მოჰყვა. იწერება სტატიები არასრული და არასწორი გარემოებების აღწერით.
4 წლის უკან ჩემს მიერ აღმოჩენილი უტყუარი მტკიცებულებებით არც სასამართლო დაინტერესებულა და არც მედია. ქუთაისის სააპელაციო სასამართლოში ჩავერთე ამ საქმეში და გაოგნებული დავრჩი. პროკურორის მიერ წარდგენილ ვიდეომასალაში ნათლად იყო ასახული, რომ განზრახ მკვლელობა არ მომხდარა და პოლიციელი გაურთხილებლობით დაიღუპა. ბრალდების მხარის სამი მოწმე მიუთითებდა, რომ რამაზ დევაძემ თარაშ მუკბანიანი განზრახ, დამიზნებული გასროლით მოკლა. პროკურორის ვიდეომასალაში კი ნათლად სჩანს, რომ ხსენებული სამი მოწმიდან ორი (მოლაზადე და ართმელაძე) საერთოდ არ იმყოფებოდნენ შემთხვევის ადგილზე, ხოლო მესამე კი ქეცბაია გასროლის დროს ზურგით იდგა დევაძისგან და მუკბანიანისგან, რის გამოც გასროლას ვერ დაინახავდა. ამავე ვიდეოკადრებში ასევე აღბეჭდილია, რომ ბესიკ მამულაძემ დისკოკლუბში საჯდომზე ხელი მოუსვა თარაშის თნხმლებ უზბეკ გოგონას, რის გამოც მუკბანიანსა და მამულაძეს შორის ჩხუბი ატყდა. რამაზ დევაძე მათ გასაშველებლად მივიდა. როგორც სჩანს თარაშმა რამაზის ჩარევა დასახმარებლად მისვლად აღიქვა და პოსტოლეტით სროლა დაიწყო (კლუბში დაიჭრა ორი პირი). რამაზმა თარაში შემოჭა, შემაღლებული ადგილიდან დისკოს მოედანზე ჩამოიყვანა, გდება გაუკეთა და იარაღი წაართვა. ძირს დაგდებულ თარაშს კი ფეხებით ცემა დაუწყეს სხვა პირებმა, რომლებიც დღემდე დაუსჯელნი არიან (და არა, რამაზ დევძემ, როგორც ამას ბატონი ჯაბა ბრძანებს თავის სტატიაში). როდესაც რამაზი უცხო აგებულების, ორჩახმახიანი პისტოლეტის განიარაღებას ცდილობდა გაუვარდა. ამ მომენტში წაქცეული თარაში ფეხზე დგებოდა და ადგომის დროს ლოყაში მოხვდა შემთხვევით გავარდნილი ტყვია. სამწუხაროა, რომ ეს არგუმენტები არ წარდგენილა მოსამართლე თამარ ბეჟანიშვილთან. რატომაც მგონია, რომ თამარი სხვა განაჩენს გამოიტანდა. მე არ ვიქნებოდი ამ საქმეში, განზრახ მკვლელობა რომ ყოფილიყო. თარაშს კარგად ვიცნობდი და თან მისი დეიდა ჩემი თანაკლასელია. უბედური შემთხვევა მოხდა და მე ეს დავამტკიცე თვით პროკურატურის მიტანილი მტკიცებულებებით.
მოცემულ სტატიაში არასწორად არის აღწერილი კიდევ რამოდენიმე ფაქტობრივი გარემოება, ნახეთ ქვემოთ უტყუარი ფაქტები და მერე დაწერეთ, ჟურნალისტებო, თუ სიმართლეს ემსახურებით.
https://batumelebi.netgazeti.ge/news/225359/“