თავისუფალი სტილით მოჭიდავე ვლადიმერ ხინჩეგაშვილი რიოს ოლიმპიადის გამარჯვებულია.
ხინჩეგაშვილი ფინალში იაპონელ რეი ჰიგუჩის დაუპირისპირდა. შეხვედრა 3:3 დასრულდა, თუმცა ბოლო ქულა ხინჩეგაშვილმა აიღო, რაც ფრის შემთხვევაში მოგებას ნიშნავს.
შეგახსენებთ, რომ ქართველი მოჭიდავე ნახევარფინალში ბულგარელ ვლადიმირ დუბოვს შეხვდა და ანგარიშით 8:4 მოუგო.
მეოთხედფინალში ქართველი სპორტსმენი აზერბაიჯანელ ჰაჯი ალიევს შეხვდა და მეტოქე 4:3 დაამარცხა.
ხინჩეგაშვილი საკვალიფიკაციო რაუნდში ისვენებდა, ხოლო მერვედფინალში ყაზახ ნურისლამ სანაევს 4:3 მოუგო.
კომენტარები