ამ წუთებში, ათასობით ადამიანი, რომელიც იმაზე ფიქრობს, ბავშვს რა აჭამოს, ფეხზე რა ჩააცვას, ამას უნდა უყურებდეს? ეს უნდა აკადროთ თქვენ თქვენ ხალხს“? – ასე მიმართა ირმა ინაშვილმა დეპუტატებს.
„ძალიან მძიმე შთაბეჭდილებას ტოვებს ის, რომ ახლოვდება არჩევნები, იწევს ტემპერატურა და არის ასეთი ვნებათაღელვა, ხალხი ყველას ფეხებზე გკიდიათ თქვენ – აი, ეს არის სიმართლე, ამ ქვეყანაში აღარ არის პერსპექტივის განცდა. არც ოპოზიციას და არც ხელისუფლებას სინამდვილეში ხალხის არ გაინტერესებთ. მთავარი არის, რომ გაიტანოთ რქებით თქვენი პარტიები 2020-ში. ახლა, ამ წუთებში, ათასობით ადამიანი, რომელიც იმაზე ფიქრობს, ბავშვს რა აჭამოს, ფეხზე რა ჩააცვას, ამას უნდა უყურებდეს? ეს უნდა აკადროთ თქვენ თქვენ ხალხს“?
გეუბნებით პირდაპირ, რომ ქართველი ხალხი დაგამთავრებთ ორივეს თუ სამივეს, ვინც ხართ, გაყოფილი „ნაცმოძრაობა“. თქვენ და „ქართულმა ოცნებამ“ ახლა გინდათ იყვირეთ, გინდა იწივლეთ. გარეთ გასვლის თავიც არ გაქვთ, როცა ამბობთ, გარეთ გავიდეთო. თუ გასვლის თავი გაქვთ, გადით ან აქვე გააკეთეთ დარბაზში, თუ რამის თავი გაქვთ. მაგრამ საქმე რაშია იცით? მწარეა სიმართლე, ამ ქვეყანაში არასდროს იქნება სიმშვიდე, რადგან თქვენ დამნაშავეები ამ დარბაზში დასვით და ისინი, რომ ფიზიკურად გვაწამებდნენ, თქვენ სულიერად გვაწამებთ და ამის მოთმენა არის აუტანელი, ადამიანურ ძალებს აღემატება ეს ყველაფერი. გაიგეთ და შეიგნეთ ეს“, – განაცხადა ირმა ინაშვილმა.