არ ვიცი რისთვის მოგვცეს 30 წუთი, პროტესტის გამოხატვის უფლება კანონით გვაქვს, – ამის შესახებ პარტია “ახალი საქართველოს“ ლიდერმა გიორგი ვაშაძემ განაცხადა.
“ხელისუფლებამ პოლიცია მოროდიორის როლში გამოიყვანა, მე დარწმუნებული ვარ რომ პოლიცია ვერ წავა ხალხის წინააღმდეგ. ჩემი შინაგანი რწმენა და იმ ხალხის რწმენაა, რომ ვიბრძოლებთ საქართველოს გათავისუფლებისთვის ბოლომდე. დაგვარბევენ კიდევ მოვალთ. მე ჩემთვის ვარ და ჩემს უფლებებს ვიცავ. მე არ ვიცი რისთვის მოგვცეს 30 წუთი, კანონით ჩვენ გვაქვს პროტესტის გამოხატვის უფლება. მთელი მსოფლიო და ყველა ჩვენს გვერდითაა, დარჩენილია მარტო ბიძინა ივანიშვილი, რომლის დავალებას ასრულებს პოლიცია, თუმცა, როგორც ვიცი ბევრი უკვე არ ასრულებს მის დავალებებს. ასე, რომ მოუწიათ სპეცრაზმის გადაჯგუფება და ამიტომ 15:00 საათზე ვერ მოვიდნენ”,– განმარტა ვაშაძემ.