საუდის არაბეთში ხუთ ადამიანს სიკვდილით დასჯა მიუსაჯეს მთავრობისადმი ოპოზიციურად განწყობილი ჟურნალისტის, ჯამალ ხაშოგის მკვლელობის გამო. ამის შესახებ წერს BLOOMBERG-ი. აღნიშნულმა ფაქტმა საუდის არაბეთის ურთიერთობა დაძაბა მნიშვნელოვან პარტნიორებთან.
11-იდან სამ ადამიანს, რომლებსაც აღნიშნულ მკვლელობაში თანამონაწილეობა დაუმტკიცდათ, 24 წლით თავისუფლების აღკვეთა მიესაჯათ. სასამართლომ კიდევ 3 ადამიანი მკვლელობის ფაქტზე უდანაშაულოდ სცნო.
მედიაში გავრცელებული ინფორმაციის თანახმად, საუდ ალ-ქაჰთანი, რომელიც საუდის არაბეთის პრინც მოჰამედ ბილ სალმანის მთვარი მრჩევლის თანამდებობას იკავებდა თანამდებობიდან გაათავისუფლეს, თუმცა ჩატარებული გამოძიებისა და დაკითხვის შედეგად უდანაშაულოდ სცნეს სამხილების არასკმარისი რაოდენობის გამო. გამოცემაში აღნიშნულია აგრეთვე ის ფაქტი, რომ დაზვერვის უმაღლეს თანამდებობაზე მყოფი თანამშრომელი, აჰმედ ალასირსაც დაატოვებინეს თანამდებობა, თუმცა მასაც ვერ დაუმტკიცდა ბრალი.
შეგახსენებთ, რომ არაბი ჟურნალისტი ჯამალ ხაშოგი, რომელიც საუდის არაბეთის მმართველი დინასტიაზე კრიტიკული სტატიების ავტორი იყო 2018 წლის ორ ოქტომბერს სტამბოლში, საუდის არაბეთის საკონსულოში შესვლის შემდეგ გაუჩინარდა. ორი კვირის შემდეგ საუდის არაბეთის ხელისუფლებამ აღიარა, რომ ჟურნალისტი საკონსულოში ჩხუბის დროს გარდაიცვალა. თურქეთის ხელისუფლება ამტკიცებს, რომ ხაშოგი წინასწარ დაგეგმილი ოპერაციის ფარგლებში მოკლეს, მისი ცხედარი კი დაანაწევრეს.