იტალიელმა სამართალდამცველებმა ქურდობის ბრალდებით ქალაქ ფაზანოში, საქართველოს ოთხი მოქალაქე დააკავეს.
პოლიციამ ისინი ერთ-ერთ სუპერმარკეტთან შენიშნა და შემოწმების მიზნით, დოკუმენტების წარდგენა მოითხოვა, რის შემდეგაც მათ მიმართ ჩხრეკის ოპერაცია ჩატარდა.
პოლიციამ ორი სხვადასხვა სუპერმარკეტიდან მოპარული 450 ევროს ოდენობის პროდუქცია ამოიღო.
აღსანიშნავია, რომ ყველა მათგანი ქვეყანაში არალეგალურად იმყოფება. სასამართლო წვრილმან ქურდობაში ბრალდებულები პატიმრობიდან გაათავისუფლა, თუმცა ბოროტმოქმედები საიმიგრაციო სამსახურს გადასცეს. მათ ქვეყანა შვიდი დღის განმავლობაში უნდა დატოვონ.
კომენტარები