„სიკვდილი ამერიკას“ – ამ სიტყვების სკანდირებით ბაღდადში დონალდ ტრამპის ბრძანებით მოკლულ ირანელ გენერალ ყასემ სულეიმანის, დაჯგუფება „ქატაიბ ჰეზბოლას“ ლიდერ აბუ მაჰდი ალ-მუჰანდისიდას და მათთან ერთად დაღუპულებს ემშვიდობებიან. ამის შესახებ BBC წერს.
გამოცემის ინფორმაციით, რამდენიმე ათასი ადამიანი ერაყის დედაქალაქის ცენტრში შეიკრიბა, მათ ხელში ერაყის დროშები და გენერლის პორტრეტები უკავიათ. მათ დაღუპულების პატივსაცემად ქალაქის ქუჩებში მსვლელობა დაიწყეს. პროცესიაში ერაყის პრემიერმინისტრი ადილ აბდულ-მაჰდი და ქვეყნის უზენაესი სულიერი ლიდერი აიათოლა ჰამენეი მონაწილეობენ.
აშშ-ის სარაკეტო დარტყმის შედეგად დაღუპული ირანელების ცხედრებს სამშობლოში გადაასვენებენ. დონალდ ტრამპმა კი დღეს სულეიმანის ტერორისტი უწოდა და აღნიშნა, რომ აშშ-ის ომი არ სურს, თუმცა ამერიკელი ხალხის დასაცავად საჭირო გადაწყვეტილებებს ყოველგვარი ყოყმანის გარეშე მიიღებს.
ირანელი გენერალი ყასემ სულეიმანი და შეიარაღებული დაჯგუფება „ქატაიბ ჰეზბოლას“ ლიდერი აბუ მაჰდი ალ-მუჰანდისი ამერიკელმა სამხედროებმა ბაღდადში მოკლეს.