ბაღდადში, მწვანე ზონაში, შეერთებული შტატების საელჩოსთან სარაკეტო იერიში განხორციელდა. მიმდინარეობს საელჩოს თანამშრომლების ევაკუაცია. ინფორმაციას ალ არაბია ავრცელებს.
ბაღდადში ე. წ. მწვანე ზონაშივე განთავსებულია სამხედრო ბაზა, სადაც შეერთებული შტატების ჯარისკაცები იმყოფებიან.
ახლო აღმოსავლეთში ვითარების გამწვავება აშშ-ის მიერ ირანელი გენერლის ლიკვიდაციამ გამოიწვია. 3 იანვარს, დილის საათებში ბაღდადის აეროპორტის ტერიტორიაზე ავიაიერიში განხორციელდა, რა დროსაც ირანის რევოლუციის გუშაგთა კორპუსის სპეციალური ელიტური ქვედანაყოფის „ქუდსის ძალების“ ლიდერი, ყასემ სოლეიმანი დაიღუპა. საჰაერო შეტევა ამერიკის შეერთებულმა შტატებმა განახორციელა. არსებული ვითარებიდან გამომდინარე, რიგი ევროპული ქვეყნები საკუთარ მოქალაქეებს აფრთხილებენ, ერაყში გამგზავრებისგან თავი შეიკავონ.