ირანის აღიარების შემდეგ ვლადიმირ ზელენსკი იმედს გამოთქვამს, რომ უკრაინული თვითმფრინავის ჩამოგდების საქმეს ირანში შეფერხების გარეშე გამოიძიებენ. ამის შესახებ უკრაინის პრეზიდენტმა სოციალურ ქსელ „ფეისბუქის“ პირად გვერდზე განაცხადა.
„დღევანდელი დილა კარგი არ ყოფილა, თუმცა მან ჭეშმარიტება მოგვიტანა. საერთაშორისო კომისიის სამუშაოს დასრულებამდე ირანმა თვითმფრინავის შეცდომით ჩამოგდების შესახებ განაცხადა“, – აღნიშნა უკრაინის პრეზიდენტმა.
ამასთან, ვლადიმირ ზელენსკიმ განმარტა, რომ ახლა ირანისგან სრულფასოვან და გამჭვირვალე გამოძიებას ელოდებიან, რათა დამნაშავეებმა შესაბამისი პასუხი აგონ, დაღუპულების ცხედრები კი, სამშობლოში დააბრუნონ.
კომენტარები