თურქეთში კორონავირუსის ეჭვით, 10 ჩინელი ტურისტი და თურქეთის ორი მოქალაქეა ჰოსპიტალიზირებული.
ამის შესახებ პროვინცია ასქარაის გუბერნატორმა, ალი მანთიმ, პრესკონფერენციაზე განაცხადა.
„ერთ-ერთ ტურისტს დაავადების სიპმტომები გამოუვლინდა, უსაფრთხოების მიზნით, მედიკოსებმა კიდევ 9 ადამიანის იზოლირება გადაწყვიტეს, რომლებიც მასთან კონტაქტში იმყოფებოდნენ. ასევე ჰოსპიტალიზირებულია გიდი და ავტობუსის მძღოლი. ტურისტები კაპადოკიაში მოგზაურობდნენ“, – აღნიშნა მანთიმ.
მისი თქმით, პაციენტების ანალიზები ჯანდაცვის სამინისტროშია გაგზავნილი. პასუხის მიღებამდე ისინი ადგილობრივი საავადმყოფოს სპეციალურ ინფექციურ განყოფილებაში დარჩებიან.
კომენტარები