სერიალ „ჩემი ცოლის დაქალებს” მსახიობები ტოვებენ. მსახიობებს, რომლებმაც „ჩემი ცოლის დაქალები” დატოვეს, სერიალიდან წასვლის მიზეზებზე „კვირის პალიტრა” ესაუბრა. მსახიობ რევაზ ნასიძის თქმით, მიზეზი „GDS”-ის სერიალი „ქერჩი” გახდა. ამასთან, მისი თქმით „რუსთავი 2″-დან წამოსვლის ერთ-ერთი მიზეზი, „ნაციონალური მოძრაობისთვის და მისი ტელევიზიისტვის ” ზურგის შექცევა გახდა.
„ჩემი ცოლის დაქალებში” აღარ ვარ. „GDS“-ის სერიალში „ქერჩი” ჩემი დიდი ბაბუა უნდა განმესახიერებინა. ამბროსი შენგელია მეორე მსოფლიო ომის დროს ქერჩში იბრძოდა. თან ჩემს მოქალაქეობრივ ვალად ჩავთვალე, რომ ზურგი შემექცია „ნაციონალური მოძრაობისა” და მისივე ტელევიზიისთვის”, – აღნიშნა მსახიობმა რევაზ ნასიძემ.
„ჩემი ცოლის დაქალებში” ყირმისას როლის შემსრულებელი დათუნა გოცირიძე ამბობს, რომ სერიალი სამუდამოდ დატოვა, მიზეზებზე საუბრისგან კი, თავი შეიკავა.
„იქ კონკრეტული რაღაც მოხდა, რის მოყოლასაც არ ვაპირებ. „რუსთავი 2“–ის არცერთპროექტში მივიღებ მონაწილეობას!” – აცხადებს გოცირიძე.
მსახიობი ზურაბ ინგოროყვა, რომელიც კატოს ქმრის როლს თამაშობდა, ამბობს, რომ სერიალიდან ცოტა ხნით მრავალსერიან ფილმ „ჰეროკრატიაში” გადავიდა.
სერიალის მე-10 სეზონი სექტემბრიდან აიღებს სტარტს.