აზერბაიჯანში დღეს რიგგარეშე საპარლამენტო არჩევნები გაიმართება. 5573 უბანი დილის 08:00 საათიდან გაიხსნება. არჩევნებში ხმის მიცემის უფლება ხუთ მილიონ ამომრჩეველზე მეტს აქვს.
როგორც აზერბაიჯანის ცენტრალურ საარჩევნო კომისიაში განაცხადეს, არჩევნებში დარეგისტრირებულია რეკორდული რაოდენობის კანდიდატი. მათი რაოდენობა 1314-ია.
არჩევნები მაჟორიტარული სისტემით იმართება. საკუთარი კანდიდატურა 20-მა პოლიტიკურმა პარტიამ წარადგინა. ასევე არიან დიდი რაოდენობით დამოუკიდებელი კანდიდატები.
წინასწარი პროგნოზებით, 125-მანდატიან მილი მეჯლისში უმრავლესობას მმართველ პარტია „ახალი აზერბაიჯანი“ მიიღებს.
ეგზიტპოლებს სამი კომპანია ჩაატარებს. არჩევნებს აკვირდება 77 ათასი ადგილობრივი და 880-ზე მეტი საერთაშორისო დამკვირვებელი. მათ შორის არის ეუთო-ს და ევროპის საბჭოს საპარლამენტო ასამბლეის მისია. მათი შეფასება ორშაბათს გახდება ცნობილი.
საარჩევნო უბნები თბილისის დროით 19:00-ზე დაიხურება. სწორედ ამ დროს გამოცხადდება ეგზიტპოლების შედეგები. ვადამდელ საპარლამენტო არჩევნებს აშუქებს 130-ზე მეტი უცხოური მედიასაშუალება. მათ შორისა საქართველოს პირველი არხი.