სირიაში დაძაბულობა გრძელდება. იდლიბის პროვინციაში თურქეთის საჰაერო თავდასხმებს 19 სირიელი ჯარისკაცის სიცოცხლე ემსხვერპლა.
ანკარამ იერიში ასადის არმიის სამხედრო კოლონაზე მიიტანა. პარალელურად, რუსეთის წარმომადგენლები აცხადებენ, რომ სირიის საჰაერო სივრცეში თურქული თვითმფრინავების უსაფრთხოებას ვეღარ უზრუნველყოფენ.
იდლიბის პროვინციაში ვითარება გასულ კვირას მას შემდეგ დაიძაბა, რაც სირიის სამთავრობო ძალების იერიშს ათობით თურქი სამხედროს სიცოცხლე ემსხვერპლა.
კომენტარები