მთავრობა ტურიზმთან დაკავშირებულ რამდენიმე დარგში დასაქმებულ კომპანიებს ოთხი თვით ქონებისა და საშემოსავლო გადასახადს გადაუვადებს, – ამის შესახებ პრემიერმა გიორგი გახარიამ განაცხადა.
„მთავრობა ამ ეტაპზე, ტურიზმთან დაკავშირებულ ისეთ დარგებში და ისეთი კომპანიებისთვის, რომლებიც საქმიანობენ სასტუმროების და რესტორნების, ტურისტული სააგენტოების, სატრანსპორტო კომპანიების, საექსკურსიო კომპანიებში და სხვა სფეროებში, ოთხი თვით გადაუვადებს ქონებისა და საშემოსავლო გადასახადს პირველ ნეომბრამდე“, – აღნიშნა პრემიერმა.
მისი თქმით, ეს შეეხება 18 ათას კომპანიას, რომელიც ოპერირებს დღეს საქართველოში და ასევე 50 ათასზე მეტ დასაქმებულ პირს.
„ ეს დამატებით დატოვებს ამ სექტორში ოთხი თვის განმავლობაში – მარტი, აპრილი, მაისი, ივლისი, დაახლოებით 100 მილიონზე მეტ ფინანსურ რესურსს“, – განაცხადა პრემიერმა.