სამტრედია-ქუთაისის შემოვლით გზაზე მომხდარი ავარიის შედეგად დაშავებული გიორგი ლომინაძისა და ნუცა გუნცაძის მეგობრების ინიციატივით, დღეს, Fabrika-ს სივრცეში საქველმოქმედო ღონისძიება გაიმართება.
ორგანიზატორების ინფორმაციით, აქტივობა 12:00 საათზე, საბავშვო ღონისძიებით დაიწყება. ამის შემდეგ გაიმართება კონცერტი, რომელშიც მონაწილეობას მიიღებენ: Salio, მაქს მაჩაიძე, Micro bax, Nikakoi, გიორგი ზურაბიშვილი, Zurkin, გიო შენგელია და autumn tree.
ღონისძიების ფარგლებში Fabrika-ს ეზოში განთავსდება საზოგადოებრივი კვების ობიექტების სტენდები და გაყიდული პროდუქციიდან შემოსული თანხა მთლიანად ჩაირიცხება ნუცას და გიორგის ანგარიშზე.
21 ივლისს, სამტრედია-ქუთაისის გზაზე მომხდარი ავარიის შედეგად დაშავებულ მორაგბეს გიორგი ლომინაძესა და მის მეუღლეს რეაბილიტაციისათვის რამდენიმე ოპერაცია სჭირდებათ.
წყვილის დასახმარებლად ასევე გახსნილია ანგარიში:
ბანკი: სს “საქართველოს ბანკი”
ბანკის კოდი : BAGAGE22
მიმღები: დავით ლომინაძე
მიმღების ანგარიშის ნომერი : GE68BG0000000733092800
ასევე შესაძლებელია დარეკვა შემდეგ ნომერზე – 0901701140. ზარის ღირებულება 1 ლარი.