ბრიტანეთი კორონავირუსით დაღუპულთა რაოდენობა მკვეთრად გაიზარდა.ამის შესახებ Independent-ი ოფიციალურ მონაცემებზე დაყრდნობით წერს.
გამოცემის ცნობით, გასული დღე-ღამის განმავლობაში Covid 19-მა გაერთიანებულ სამეფოში 209 ადამიანი იმსხვერპლა და გარდაცვლილთა რიცხვმა 1228-ს მიაღწია. 2 433-ით გაიზარდა ინფიცირებულთა რაოდენობაც. სულ ქვეყანაში კორონავირუსის 19 522 შემთხვევაა დადასტურებული. გამოჯანმრთელდა მხოლოდ 135 პაციენტი.
ჯანდაცვის მსოფლიო ორგანიზაციამ კორონავირუსთან დაკავშირებით პანდემია 2020 წლის 11 მარტს გამოაცხადა. მანამდე კი, 30 იანვარს ჯანმომ კორონავირუსი გლობალურ საფრთხედ გამოაცხადა. ჩინეთში პნევმონიის აფეთქება 2019 წლის დეკემბერში დაიწყო. ის გამოწვეულია კორონავირუსის აქამდე უცნობი შტამით.
21 იანვარს ჩინეთმა დაადასტურა, რომ კორონავირუსი გადამდებია. მომხდარის გამო ქვეყნის ორ ქალაქში კარანტინი გამოცხადდა.