“დააფასეთ, რასაც საქართველო აკეთებს და სასაცილოდ ნუ იგდებთ”

ამერიკაში, კერძოდ მიჩიგანში მოღვაწე ქართველი ექიმი, პროფესორი თეონა მაღლაკელიძე ქართული წარმოების პირბადეებთან დაკავშირებულ აჟიოტაჟს სოციალურ ქსელში ეხმიანება და წერს:

„ასე აგდებულად რომ დასცინით საქართველოში გამოშვებულ პირბადეებს, თქვენ ნახეთ აქ რა პირბადეები მოგვიტანეს – სამ შრიანი, გარეთა შრე ფარდის ქსოვილია, შუა კარტოფილის ტომარის და შიგნით კიდევ სინთეტიკური ნაჭერი, 3 წუთზე მეტი ვერ გაიჩერებ, იგუდები.

დააფასეთ, რასაც საქართველო აკეთებს და სასაცილოდ ნუ იგდებთ. ნახეთ რომელიმე ამერიკელის პოსტი რომ დასცინოდეს საკუთარი ქვეყანას და აბუჩად იგდებდეს?! არც ერთ ჩემს კოლეგას არ დაუწერია სოცქსელში და სასაცილოდ აუგდია ეს მასკები, მიუხედავად იმისა რომ მართლა საშინელებაა.

თავად ქართველები თუ მოუღებთ ბოლოს ისევ ქართველებს და ჩვენ ქვეყანას, თორემ სხვა ვერაფერს დაგვაკლებს ისეთს, რასაც ჩვენ არ ვაკეთებთ“, – წერს თეონა მაღლაკელიძე.