“ერთ და ორ თვეში ვერ აღვიდგენთ იმ სასტარტო პირობებს, რომლებიც ჩვენ 2020 წლის დასაწყისში გვქონდა, მაგრამ 1,5-2 წლის განმავლობაში უნდა აღვიდგინოთ”, – ამის შესახებ საქართველოს პრემიერმა ანტიკრიზისული ეკონომიკური ჯგუფის დღევანდელ სხდომაზე განაცხადა.
გახარიას თქმით, ქვეყანა კრიზისული მართვის პერიოდში იმყოფება და მნიშვნელოვანია არა თეორიული საუბრები, არამედ – კონკრეტული გადაწყვეტილებების მიღება.
“ყველას უნდა გვესმოდეს, რომ ჩვენ ახლა ვართ კრიზისული მართვის პერიოდში და ვსაუბრობთ კრიზისის პერიოდში მართვაზე. შესაბამისად, ეს ანტიკრიზისული ეკონომიკური ჯგუფიც, რომელიც შექმნილია, როგორც უწყებათაშორისი საბჭოს გაგრძელება, უკიდურესად მნიშვნელოვანია არა რაღაც თეორიული საუბრებისთვის, არამედ – კონკრეტული გადაწყვეტილებების მისაღებად. ამოცანა მარტივია, ყველაფერი გავაკეთოთ, რომ ეკონომიკური ცხოვრება მაქსიმალურად სწრაფად, ეტაპობრივად ჩვეულ რიტმს დაუბრუნდეს”, – განაცხადა პრემიერმა.