დროსა და სივრცეში არის გაწელილი სააკაშვილის განცხადებები და ქმედებები. ხალხი მიატოვა, სამოქალაქო პირები დაიხოცნენ. მეომრები მიატოვა. თვითონ ცხვირით მიწა მოთხარა – ასე გამოეხმაურა „ქრონიკის“ ეთერში „ქართული ოცნება – დემოკრატიული საქართველოს“ პოლიტიკურ პარტიებთან ურთიერთობის მდივანი და პოლიტსაბჭოს წევრი, გია ვოლსკი, კორონავირუსის პანდემიის პრევენციისთვის თანხების მობილიზებაზე ექსპრეზიდენტ მიხეილ სააკაშვილის მიერ გაკეთებულ განცხადებას.
„ის ხუთი მილიარდი, რომელზეც იყო საუბარი, მსოფლიო მაშინ იყო საკმაოდ სტაბილურ მდგომარეობაში და დაჩაგრულ, ოკუპირებულ საქართველოს დაეხმარა. ჩვენ ახლაც ვიხდით ამ ვალს. არ გეგონოთ ვინმემ რამე გვაჩუქა. გახსოვთ ალბათ განმუხურის კადრები? და ეს ადმიანი გველაპარაკება დრეს ამ თემაზე. საკმაოდ ინტენსიურად ჩვენი ურთიერთობა საერთაშორისო საფინანსო ორგანიზაციებთან და საკმაოდ სოლიდური იქნება ის თანხა, რამაც საქართველოს ეკონომიკა და კონკრეტული სიცოცხლეები უნდა გადაარჩინოს. სხვაობა საკმაოდ დიდია. ხუმრობა შეიძლება და მასხრობა ამ თემაზე“, – განაცხადა ვოლსკიმ.
გუშინ მიხეილ სააკაშვილმა სოციალურ ქსელში ვიდეომიმართვა გაავრცელა.
„მე გთავაზობთ: გამომიყენეთ უცხოური დახმარების მისაღებად. მე მზად ვარ, მოვიარო ყველა უცხოური დედაქალაქი. ძალიან ბევრს ვიცნობ საერთაშორისო ფინანსურ ორგანიზაციებში, ვიცნობ თითქმის ყველას, ვინც ახლა ევროპელი ლიდერები არიან“, – წერს Facebook-ზე მიხეილ სააკაშვილი.