მსოფლიო მედიაში კიმ ჩენ ინის შესაძლო გარდაცვალების შესახებ გავრცელებული ცნობების პარალელურად ჩრდილოეთ კორეის სახელმწიფო რადიო ავრცელებს ინფორმაციას, რომ კიმ ჩენ ინი აქტიურ მოღვაწეობას ეწევა. მასში ნათქვამია, რომ “ამხანაგმა კიმ ჩენ ინმა დიდი მადლობა გადაუხადა ყველა მუშას და თანამშრომელს, რომლებმაც ახალი ქალაქი სამჩეინი ააშენეს”.
რადიო არ აკონკრეტებს, თუ რა ფორმით იქნა ეს მადლობა გადაცემული.
ქალაქის მშენებლობა 2019 წლის დეკემბერში დასრულდა და იგი ტავად კორეელთა ლიდერმა გახსნა.
კიმი საზოგადოების წინაშე უკვე 2 კვირაა არ გამოჩენილა. მისთვის გულსისხლძარღვთა სისტემაზე გაკეთებული ოპერაციის შესახებ სამხრეთკორეული მედიასაშუალების – Daily NK მიერ გავრცელებული ინფორმაციის შემდეგ, სოცქსელები მისი გარდაცვალების ამბავს განიხილავდნენ.
კომენტარები