„დღემდე ვისაც სჭირდებოდა ტესტირება ყველას ჩატარებული აქვს და არა აქვს სურვილი, კონკრეტული პოლიტიკოსების განცხადებებზე ისაუბროს“ – განაცხადა ამირან გამყრელიძემ აჭარის საზოგადოებრივი მაუწყებლის ეთერში, ვახო ხუზმიაშვილის საავტორო გადაცემა „თავისუფალ სივრცეში“
„არ არის ქვეყანაში ადამიანი, ვისაც ტესტირება საჭირო იყო რომ ჩატარებულიყო და არ ჩატარებია. ტესტირება 3.7 მილიონ ადამიანს, არცერთ ქვეყანაში არცერთ ქვეყანაში. არც ამერიკაში 3 მილიონს არავინ არ ტესტავს, ან გერმანიაში 82 მილიონს“,- აცხადებს გამყრელიძე.
მისივე თქმით, ეს არის მიზანმიმართული ტესტირება, რომელიც ალგორითმის მიხედვით კონტროლდება ვის უნდა ჩაუტარდეს და ვის არა. პოლიტიკოსებს კი სთხოვს, აცალონ ინფექციონისტებს პროფესიულად მუშაობა და ნუ გამოიყენებ პლატფორმას პოლიტიკური დისკუსიისთვის.
„ყველა ის ადამიანი, პოლიტიკოსი ვინც საუბრობს, არა აქვთ შესაბამისი პროფესიული ცოდნა ამ საკითხის, ისინი საუბრობენ თავინთი პოლიტიკური პლატფორმიდან და მე რამოდენიმეჯერ მოვუწოდე მათ, ნუ გამოვიყენებთ ამ პლატფორმას ამ ტიპის დისკუსიისთვის. ამ კორონავირუსმა არ იცის რომელი პარტიის წევრი ხარ შენ“ – აცხადებს ამირან გამყრელიძე.