“3 წელია “ჯორჯიან მანგანეზში” ვმუშაობ და ზუსტად ვიცი, რამდენად აუცილებელია მათთვის ამ სიტყვების მოსმენა…”

ჟურნალისტი და საინფორმაციო ჰოლდინგის “კვირას” დამფუძნებელი ქეთი ხოსიტაშვილი სოციალურ ქსელში პოსტს აქვეყნებს.
“ძალიან მაგარი ბიჭია გოგა ჩანადირი და გუშინ ძალიან მაგარი სოციალური კამპანია დაიწყო!
პანდემიის პირობებში, ჩვენ დღეს ქვეყანაში გვყავს სხვადასხვა სფეროს უამრავი ადამიანი, რომლებიც დღეს თავდაუზოგავად შრომობენ, იმისთვის, რომ ქვეყნის ეკონომიკა არ გაჩერდეს, ჩვენ ვიყოთ უკეთ, დავრჩეთ სახლში… ესენი არიან მძიმე მრეწველობაში ჩართული პირები, ბანკების თანამშრომლები, სასურსათო თუ ავტოგასამართი ქსელების წარმომადგენლები, მშენებლები და უამრავი სხვა…
გოგას იდეაა, რომ ექიმების, პოლიციელებისა და ჟურნალისტების პარალელურად, მადლიერება მათ მიმართაც გამოვხატოთ, ვუთხრათ მათ ჯადოსნური სიტყვები: შენ მნიშვნელოვანი ხარ და გამარჯვების სიმბოლო – V ჟესტით გადაღებული საკუთარი ფოტო ავტვირთოთ სოცმედიაში.
ძალიან მომწონს ეს იდეა და ახალი გამოწვევაც, სიამოვნებით ვუერთდები, მით უფრო რომ ამის ძალიან ბევრი და ობიექტური მიზეზი მაქვს… უკვე 3 წელია “ჯორჯიან მანგანეზში”, მეტალურგებისა და მაღაროელების გარემოცვაში ვმუშაობ და ზუსტად ვიცი, რამდენად აუცილებელია მათთვის ამ სიტყვების მოსმენა…
კორონავირუსის ფონზე,
ჩვენი საწარმოო პროცესი არცერთი წუთით არ შეფერხებულა და ამ ადამიანებმა ზუსტად იციან, რამდენად მნიშვნელოვანია დღეს მათი როლი.
მე ახლაც ზესტაფონში, ფეროშენადნობთა ქარხანაში ვარ. ჩემს უკან მადნის დნობის ცეცხლოვანი პროცესი მიმდინარეობს და ასობით მეტალურგი მუხლჩაუხრელად შრომობს, ქმნის ქართულ დოვლათს.
ძალიან მინდა, თითოეულ მათგანს ქვეყნის ეკონომიკისთვის გაწეული შრომისთვის ვუთხრა დიდი მადლობა, ვუსურვო გამძლეობა და ჯანმრთელობა.
ჩემო მეტალურგებო, თქვენ მართლაც სახელმწიფოსთვის და უამრავი ადამიანისთვის მნიშვნელოვანი ხართ!
თქვენ ჩვენი დროის გმირები ხართ და მეამაყება, რომ ამ სტატუსის დაწერის შესაძლებლობა მომეცა ❤
https://m.facebook.com/story.php?story_fbid=2356727127960841&id=100008707309211
#დარჩისახლში
#ჩვენვმუშაობთშენთვის
#შენმნიშვნელოვანიხარ” – წერს ხოსიტაშვილი.