ნინო კობახიძე სოციალურ ქსელში პოსტს აქვეყნებს, რომელსაც უცვლელად გთავაზობთ.
“ძალიან გამოცდილი, პროფესიონალი და უკვე საუკეთესო შედეგების მქონე ადამიანი, თენგიზ ცერცვაძეს ვგულისხმობ, დანიშნულია ამ პროცესის ხელმძღვანელად, ორმა თვემ ანახა რომ სიკვდილიანობა გვაქვს უმცირესი და პროცესი მიდის ეფექტურად.
ამ ადამიანს უნდა ვუჯერებდეთ შედეგებიდან, მისი გამოცდილებიდან გამომდინარე და არ უნდა უწევდეს თავის მართლება რომელ მედიკამენტს სად დანიშნავს და რა დოზით გამოიყენებს. ამაზე შედეგები მეტყველებს და ფაქტია რომ მისმა მეთოდებმა სერიოზული წინსვლის საფუძველი მოგვცა.
სამწუხაროა რომ მათ უწევთ განმარტებები ამდენი დოზით, სამწუხაროა, რომ ერთი პოლიტიკური სპიკერი ვერ გამოიძებნა ვინც აიღებს ამ კომუნიკაციას თავის თავზე და მათი დრო იხარჯება ამ უსაფუძვლო ბრალდებების გაქარწყლებაზე.
ისრაელის პრემიერმა გვითხრა ერთხელ რთულია 8 მილიონი “პრემიერის” პრემიერობაო 
ეგრეა, რთულია, მესმის 3,5 მილიონი “ინფექციონისტის” მთავარი ინფექციონისტობა, მაგრამ დანახვაა საჭირო და დაფასება იმის რაც გვაქვს!”-წერს კობახიძე.