ლევან ნიკოლეიშვილი l’opinion-ის სტატიაზე: ეს უნდოდა ისედაც გაგიჟებულ ოპოზიციას? თავის დასამშვიდებლად იტყვიან “ოცნებამ” ჩააწყო და შეუკვეთა

“l’opinion- ის სტატიამ “მე, ბებია, ილიკო და ილარიონი” გამახსენა – მამალს მიუყვანს ილიკო ზურიკელას და ოლღა ამოიკვნესებს – „ეს უნდოდა ახლა ჩემ დასუსტებულ ქათმებს”? ეს უნდოდა ახლა ოპოზიციას?” – წერს სოციალურ ქსელში ექსპერტი ლევან ნიკოლეიშვილი და საქართველოს შესახებ ფრანგულ გამოცემაში გამოქვეყნებულ სტატიას ეხმიანება, სადაც ავტორი აღნიშნავს, რომ საქართველო ინვესტორებსა და მეწარმეებს უფრო ხელსაყრელ გარემოს სთავაზობს, ვიდრე ევროკავშირის სახელმწიფოების უმრავლესობა.
​ნიკოლეიშვილის თქმით, ამ ამბით გაგიჟებული ოპოზიცია თავის დასამშვიდებლად იტყვის, რომ სტატია „ოცნებამ შეუკვეთაო”.
„l’opinion-ში გამოქვეყნებული სტატიამ, სადაც აღნიშნულია, რომ საქართველო ინვესტორებსა და მეწარმეებს უფრო ხელსაყრელ გარემოს სთავაზობს, ვიდრე ევროკავშირის სახელმწიფოების უმრავლესობა, იცით რა გამახსენა? ნოდარ დუმბაძის „მე, ბებია, ილიკო და ილარიონი”-დან ერთი მომენტი – მამალს მიუყვანს ილიკო ზურიკელას და ოლღა ამოიკვნესებს – „ეს უნდოდა ახლა ჩემ დასუსტებულ ქათმებს ?” ეს უნდოდა ახლა ისედაც დასუსტებულ და გაგიჟებულ ოპოზიციას? მაგრამ თავის დასამშვიდებლად აუცილებლად იტყვიან “ოცნებამ” ჩააწყო, შეუკვეთა. იცით რა, ხომ ხედავთ მსოფლიო მედია ამ ხელისუფლებაზე მუშაობს, ხოდა თქვენც შეეგუეთ, მოდუნდით და დანებდით”,- წერს ლევან ნიკოლეიშვილი.