ჯანდაცვის მსოფლიო ორგანიზაცია არ ეთანხმება მოსაზრებას იმის შესახებ, რომ თამბაქოს მომხმარებლები კორონავირუსით ნაკლებად ავადდებიან.
„კორონავირუსი ინფექციური დაავადებაა და ის პირველ რიგში ფილტვებს აზიანებს. მოწევა აფერხებს ფილტვების ფუნქციებს და კორონავირუსსა და სხვა ინფექციებთან ბრძოლას ართულებს,“-ნათქვამია ჯანმოს განცხადებაში.
მანამდე მეცნიერთა ნაწილმა გამოთქვა მოსაზრება, რომ COVID-19-ით ინფიცირებულთა შორის მწეველები ნაკლებად არიან, რაც ნიკოტინის პოზიტიურ გავლენაზე მიანიშნებს.
საწინააღმდეგოს ამტკიცებს Cognitive Neurolab-ის მკვლევართა ჯგუფი. 6 მაისს მათ მიერ გამოქვეყნებულ დასკვნაში ნათქვამია, რომ ლეტალური შემთხვევების უმეტესობა კაცებზე მოდის. ერთ-ერთ მიზეზად მეცნიერები იმ ფაქტორს მიიჩნევენ, რომ მწეველ მამაკაცთა რაოდენობა ქალებისას საგრძნობლად აღემატება.