გასული 24 საათის განმავლობაში ბრაზილიაში კორონავირუსით ინფიცირების 11,385 ახალი შემთხვევა გამოვლინდა. ეს პანდემიის დაწყებიდან დღემდე, ყველაზე მაღალი მაჩვენებელია ქვეყნის მასშტაბით.
ამასთან, დაფიქსირდა გარდაცვალების 749 ახალი შემთხვევა. ქვეყანას 190,000-მდე ინფიცირებული ჰყავს და ამ მაჩვენებლით ის მსოფლიოში მეექვსე ადგილს იკავებს.
ვირუსს ბრაზილიაში 13 ათასზე მეტი ადამიანი ემსხვერპლა.
“დარჩით სახლში – ეს მათთვისაა ვისაც შეუძლია იყოს კარგად, თუმცა არიან ადამიანები, ვისი მაცივრებიც ცარიელია, ჰყავთ მშიერი ბავშვები, რომლებიც შიმშილის გამო ტირიან, ასეთ დროს როგორ უნდა ვუთხრათ მშობლებს დარჩნენ სახლში,” – განაცხადა ბრაზილიის პრეზიდენტმა ჟაირ ბოლსონარუმ.
კომენტარები