ნიუ-იორკის პოლიციის დეპარტამენტის მონაცემებით, ქალაქში გასულ ღამეს ჯორჯ ფლოიდის მკვლელობასთან დაკავშირებით გამართულ აქციებზე 250-ზე მეტი ადამიანი დააკავეს. როგორც ნიუ-იორკის პოლიციაში აღნიშნავენ, დაკავებების უმეტესი ნაწილი მანჰეტენში და ბრუკლინში დაფიქსირდა.
ამასთანავე, აქციის მონაწილეებთან დაპირისპირებისას სულ მცირე შვიდი პოლიციელი დაშავდა, ხოლო ათობით მანქანა საპროტესტო აქციის მსვლელობისას დაზიანდა.
აშშ-ში საპროტესტო აქციები ჯორჯ ფლოიდის მკვლელობას მოჰყვა. 28 მაისს საპროტესტო აქციის მონაწილეებმა მინეაპოლისის პოლიციის შენობა დაიკავეს და ცეცხლი წაუკიდეს.
კომენტარები