ოჰაიოში მცხოვრებმა ამერიკელმა რომელსაც ლეიკემიის გამო რამდენიმე კვირის სიცოცხლე აქვს დარჩენილი, ქართული კერძები ინატრა. ამის შესახებ პოსტი ცნობილ ჯგუფში, Spend 4 Seasons in Georgia ნიკოს მეგობარმა, ფილიპმა გამოაქვეყნა. მან წევრებს, რომლებიც ოჰაიოში ცხოვრობდნენ, ქართული კერძების მომზადებაში სთხოვა დახმარება.
ამერიკაში მყოფმა ქართველებმა დახმარების სურვილი გამოთქვეს. ნიკოსთვის უკანასკნელი სურვილის ახდენაში მონაწილეობა ამერიკაში საქართველოს საელჩომ და ელჩმა, დავით ბაქრაძემაც მიიღო.
„მინდა ჩემი უდიდესი მადლობა ვუთხრა შეფ-მზარეულს, მის პარტნიორ ნინიკოს, მათ მძღოლს ჯორჯს, საქართველოს საელჩოს აშშ-ში (განსაკუთრებით თამარს), და ელჩს დავით ბაქრაძეს, რომ სასწაული მოახდინეს და შეასრულეს ლეიკემიით დაავადებული ადამიანის ბოლო სურვილი“, – წერს ნიკოს მეგობარი ფილიპი სოციალურ ქსელში.