ვფიქრობ, სამპროცენტიანი პარტიებისა და მათი „მეგობრებისთვის“ არანაირი მნიშვნელობა არ უნდა ჰქონდეს არჩევნები ხვალ ჩატარდება, ერთი თვის, თუ ერთი წლის შემდეგ. მათთვის არჩევნების შედეგი იქნება ერთნაირი, – ამის შესახებ ფრაქცია „ქართული ოცნების“ თავმჯდომარემ, რატი იონათამიშვილმა ჟურნალისტებს განუცხადა.
მისი თქმით, ის იმედოვნებს ე.წ. მეორე ტალღას გართულება არ მოჰყვება და არჩევნები დათქმულ ვადებში ჩატარდება.
„ქართული საზოგადოება მათ ნამდვილად დაამარცხებს. თუ მოხდა ეპიდემიოლოგიური ვითარების გართულება, ვფიქრობ ამ შემთხვევაში მთლიანად საზოგადოებასა და პოლიტიკოსებს ერთნაირი პასუხი უნდა ჰქონდეთ და ეს საზოგადოების საუკეთესო ინტერესიდან უნდა გამომდინარეობდეს. თუმცა, ამ ეტაპზე ამ მიმართულებით არანაირი საფრთხე არაა ვიმედოვნებ, ე.წ. მეორე ტალღას გართულება არ მოჰყვება და არჩევნები დათქმულ ვადებში ჩატარდება“- განაცხადა რატი იონათამიშვილმა.