სასამართლომ არმაზ ახვლედიანის სარჩელი არ დააკმაყოფილა

სასამართლომ ბათუმის #69-ე ოლქის დამოუკიდებელი კანდიდატის, არმაზ ახვლედიანის, შუამდგომლობა ბათუმის საკრებულოს ერთ-ერთი განკარგულების შეჩერების თაობაზე არ დააკმაყოფილა. არმაზ ახვლედიანის განცხადებით, გამოსაცდელი ვადით გამწესებულმა მოსამართლე თავართქილაძემ მიიჩნია, რომ აღნიშნული განკარგულება არ მაყენებს ზიანს და, რომ მისი შეჩერების გარეშეც შესალებელია მისი როგორც კანდიდატის კანონიერი ინტერესების დაცვა.
“ბათუმის საქალაქო სასამართლომ არ დააკმაყოფილა შუამდგომლობა იმ განკარგულების შეჩერების თაობაზე, რომლის საფუძველზეც ჩამოიხსნა ჩემი წინასაარჩევნო ბანერი. გამოსაცდელი ვადით გამწესებულმა მოსამართლე თავართქილაძემ მიიჩნია, რომ აღნიშნული განკარგულება არ მაყენებს ზიანს და, რომ მისი შეჩერების გარეშეც შესალებელია ჩემი კანონიერი ინტერესების დაცვა. მოსამართლე თავართქილაძე ასეთი უკანონო, თავხედური გადაწყვეტილებებით ცხადია, წარმატებით გაივლის გამოსაცდელ ვადას. ასეთი მოსამართლეების ხელში მართლმსაჯულება ოცნების ჯიბის უწყებად ყალიბდება და ჩაკეტილი, მოჯადოებული წრიდან ვერასდროს გამოვა,“- ამბობს არმაზ ახვლედიანი.