სოფელ ქანდის ცამეტი ასურელი მამის სახელობის მონასტრის წინამძღვარი მამა სერაფიმე (ბით-ხარიბი) თავის ფეისბუქ-გვერდზე ასეთ განცხადებას ავრცელებს:
ძალიან გთხოვთ ყველას, არ იძიოთ ის, თუ რა ხდება, 🙂 ეს ჩემი პირადი გადაწყვეტილებაა დავრეკე საპატრიარქოში და ვთხოვე რომ ის საბუთები მომაწოდონ რასაც ხელი უნდა მოვაწერო. ვიქნები დროებით მონაზვნად ქანდაში, მერე როგორც უფალი გვიჩვენებს! 🙂 მიყვარხართ ძალიან ძალიან ძალიან, თქვენ მასწავლეთ სიყვარული და მართლა მიყვარხართ ძალიან. მე ვმადლობ უფალს, რომ ის ჯვარი მომცა სატარებლად, რაც აქამდე ვიტვირთე. მადლობა ღმერთს ყველაფრისათვის. 9 ოქტომბერს გელით ყველას დიდი სიყვარულით. 🙂 მამა სერაფიმე !
ამავე გვერდზე ვკითხულობთ:
მამა სერაფიმე როგორც მღვდელმსახური გვემშვიდობება და 9 ოქტომბერს გელით მის ჩატარებულ ბოლო წირვაზე, გააზიარეთ ყველამ.
უფალი გეწეოდეთ, მამაო, თქვენს ურთულეს გზაზე! თქვენ უამრავი ადამიანის სიყვარული და კეთილგანწყობა დაიმსახურეთ, ჩვენც მათ შორის ვართ. სადაც არ უნდა იყოთ, ღვთის წყალობა და მადლი არ მოგკლებოდეთ!