მე მჯერა, რომ ჩვენი მოსახლეობის აბსოლუტური უმრავლესობა საღად და პასუხისმგებლობით უყურებს ამ არჩევნებს. რა თქმა უნდა, ჩვენ ღრმად ვართ დარწმუნებულნი გამარჯვებაში, ვინაიდან, მოდით, ვთქვათ, ჩვენს ხელისუფლებასა და პარტიას დღეს ქვეყანაში ალტერნატივა არ აქვს, – განაცხადა საქართველოს თავდაცვის მინისტრმა, ირაკლი ღარიბაშვილმა საგარეჯოში, „ქართული ოცნების“ გურჯაანი-საგარეჯო-სიღნაღი-დედოფლისწყაროს მაჟორიტარი დეპუტატობის კანდიდატის, დავით სონღულაშვილის წარდგენის ღონისძიებაზე.
„არ ვამბობ, რომ ჩვენ იდეალურები ვართ. ბუნებრივია, ჩვენ შეცდომები მოგვდის, მაგრამ ამ შეცდომებს ვასწორებთ და წინ მივდივართ. ჩვენ გვაქვს ჩვენი შეცდომების დანახვის, აღიარების უნარიცა და გამოსწორების შესაძლებლობაც. ჩვენი გუნდი, პრემიერ-მინისტრისა და „ქართული ოცნების“ ლიდერის, ბიძინა ივანიშვილის მეთაურობით, მჯერა, რომ ჩვენს მთავარ მონაპოვარს, 2020 წლის არჩევნებში, კიდევ უფრო განამტკიცებს“ – განაცხადა ირაკლი ღარიბაშვილმა.