სახელმწიფო უსაფრთხოების სამსახურის ერთ თანამშრომელს ახალი კორონავირუსი დაუდასტურდა, სამსახურის 38 თანამშრომელი კი კარანტინში იმყოფება, – ინფორმაცია „იმედინიუსს“ სუს-ში დაუდასტურეს.
როგორც უსაფრთხოების სამსახურში აცხადებენ, უკვე ჩატარებულია შენობის სადეზინფეციო სამუშაოები.
ამ დროისთვის საქართველოში კორონავირუსის 1 510 შემთხვევაა დადასტურებული. განკურნებულთა რაოდენობა კი 1 243-ს შეადგენს. კარანტინის რეჟიმში იმყოფება 5 828 მოქალაქე, ხოლო სტაციონარში მეთვალყურეობის ქვეშ – 232.
უცხოეთიდან სამკურნალოდ გადმოყვანილია საქართველოს 41 მოქალაქე. კორონავირუსის შედეგად, ქვეყანაში 19 პაციენტი გარდაიცვალა.
კომენტარები