დღეს, ცოტნე გამსახურდიას დაჭრის საქმესთან დაკავშირებით, სასამართლო პროცესი გაიმართება, სადაც ბრალდების მხარე დასკვნითი სიტყვით წარსდგება.
საქართველოს პირველი პრეზიდენტის შვილის ადვოკატის თქმით, წარდგენილი ბრალდებები უტყუარად ადასტურებს ბრალდებულების დანაშაულს და მოლოდინი აქვს, რომ ისინი უმკაცრესად დაისჯებიან.
“ბრალდების მხარე წარადგენს დასკვნით სიტყვას და ამით ამოწურავს იმ მტკიცებებს, რომელიც წარდგენილი აქვს დამნაშავე პირების მიმართ. მიგვაჩნია, რომ ყველა მტკიცებულება ადასტურებს იმ დანაშაულის ჩადენას, რომელშიც მათ ბრალი აქვთ წარდგენილი,” – აცხადებს ადვოკატი ამირან გიგუაშვილი.
შეგახსენებთ, რომ ცოტნე გამსახურდია 2019 წლის, 19 დეკემბერს დაჭრეს. ის ხანგრძლივ სარეაბილიტაციო პროცესს, ამჯერად გერმანიაში გადის. გამსახურდიას დაჭრის ფაქტზე დაკავებულია 4 პირი.